Mella' Ate

Seri 01 _Adhon-Jandhon So Kompoy ALQURAN DHABUNA ALLAH  "Na' Daffa, dika bila pon towa terro daddiya nape, Na'?" "Ai, Kai, enggi terro daddiya oreng, Kai" "Enggi, paggun pajat daddi oreng ta' kera aoba embi, tape se kadinape maksodda? maddha jarba'agi! Bula merengngagiya" "Enggi, Kai. Akadi se ed habuwagi panejennengngan bila nyeyom bun-embunan badan kaula ka'dhissa'. Terro daddiya oreng se soleh, oreng se jembar elmona, jember rajekkena, jembar kasehadanna, jembar iman sareng islamma, luhur babategga. Caepon panjennengngan se seggut jugan adhabu dha' badan kaula  mandar daddiya oreng se bangal abillane ngadekusodek parjugana syariat agama se haq, agama Islam." "Kai, caepon mangken bannya' sakale paham se kalowar dhari syariat Rasulullah. Akadiya, badha se ngarte'e tor nafsere ayat Alquran sakarebba naksona, sakarebba tabu'na. Caepon pasera ka'dhissa' Kai ja' manabi Alquran...

Seri 02 Adhon-Jandhon So Kompoy LAKONA LAKONE - KENNENGNGANNA KENNENGNGE "Gi' buru rabu, dhari ka'dhimma panjennengngan, Kai?" panyapana.  Rassa gumbira aba'na semmo abak takerjat parsasat tadha' angen tadha' omba' taparjaja' epanggi badha sowara assalamualaikum. Kaina mokka' labang on-laonan. Aba'na molae baja laggu se ta' atemmo so kaina.  Pantessan. Aba'na daga nyambellut ka kaina akaton santa' kerrongnga. Toron eemban so embu'na ta' nemmone kaina. "Badha apa, Na?'" Kaina ngosap serana hale esto ban bunga salerana. Margana epapak kompoyya. "Kai buru dhari masjid, Na',..." sanakkala toju' e kasor tepes, katedhunganna. Dineng kompoyya toju' sakale e seddi'na. "... kan la biyasa, Na'. Sateya pole are Ahad, sakola'an parai saare kan. Kai nolonge ngamba' amal e dhajana masjid dhaja'anna rowa." Sambi aduding ka mongging dhaja. "Tore adungngen...