Ngesse’e Kamardikaan Magenna’ Elmo
Naskah Lomba Pidato Utusan Kab. Sumenep Tingkat Provinsi Jawa Timur Assalamu alaikum warahmatullahi wabarokatuhu Para rabu seppo anom se same molja, kong-langkong dha’ sadaja dhewan juri se ampon sepa’ alonggu e kalenggiyannepon Alhamdulillah, e are mangken badan kaula kabilang kengeng kasempadan kaangguy ngadek sodek neng e ajunan sadaja. Komalancang badan kaula nyabissagi pamator bab kawajiban badan kaula sadaja menangka bagiyan dhari kaom anom tantowepon angengenge bab kadiponapa ngesse’e parnata kaodhi’an bangsa. Parlo ekagali bul-ombul peatoran badan kaula enggi ka’dhinto Ngesse’e Kamardikaan Magenna’ Elmo. Para rabu seppo anom se same molja…. Badan kaula sadaja bangsa Indonesia ampon 78 taon abittepon kengeng kabellasaannepon Allah se aropa kamardika’an bangsa tor nagara Indonesia. Agustus 2023 se ampon kalebat, bangsa tor nagara Indonesia ampon kengeng kabilang binar, nyonar, kaonang monggu kaom manca. Ampon 78 taon Indonesia tapeyal, dhuccol dhari karangkeng panja...